Բուժառուն՝ արական սեռի, 64 տարեկան
Գանգատներ՝ ընդհանուր թուլություն, կրծքավանդակի ձախ կեսի բութ ցավեր, որոնք ճառագայթվել են ձախ ուսահոդ։
ՀՇ հետազոտությամբ ձախ թոքի գագաթային հատվածում դիտվում է ծավալային հյուսվածքային գոյացություն, որը լայնական կտրվածքի վրա ունի մոտ 7.7x3.9 չափսեր։
Բուժառուն զննվել է ուռուցքաբանի և ինտերվենցիոն ռադիոլոգի կողմից, վերջնական ախտորոշման համար ցուցվել է նորագոյացության ասեղային տրեպան բիոպսիա՝ ՀՇ ուղղորդմամբ և հյուսվածաբանական հետազոտություն։
ՀՇ պատկերը միջամտությունից առաջ
Միջամտությունը կատարվել է բուժառուի՝ որովայնի վրա պառկած դիրքում, տեղային անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Բուժառուն միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող բիոպտատի հյուսվածաբանական պատկերը եւ իմունոհիստոքիմիական հետազոտության արդյունքները համապատասխանում են թոքի ինվազիվ G2 ադենոկարցինոմային։
Կարդացեք նաև՝ Թոքի մետաստատիկ օջախի ռադիոհաճախական աբլացիա ՀՇ ուղղորդմամբ