Բուժառուն՝ արական սեռի, 61 տարեկան
Գանգատվել է ընդհանուր թուլությունից, որովայնի բութ ցավերից, սրտխառնոցից և փսխումից։ Վերոհիշյալ գանգատների կապակցությամբ հետազոտվել է ամբուլատոր կարգով։ ՈւՁՀ–ով հայտնաբերվել են լյարդի բազմաօջախ ախտահարումներ։
Բուժառուն զննվել է օնկոլոգի և ինտերվենցիոն ռադիոլոգի կողմից։ Հայտնաբերված ախտահարումների բնույթը պարզելու նպատակով որոշվել է կատարել ասեղային տրեպանացիոն բիոպսիա՝ ՈւՁՀ ուղղորդմամբ։
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՈւՁՀ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի սահմաններում հյուսվածաբանական պատկերն առավել համապատասխանում է լյարդի մետաստատիկ/ինվազիվ, ցածր տարբերակված ադենոկարցինոմային, G3։
Կարդացեք նաև՝
Հաստ աղիքի քաղցկեղից լյարդի մետաստատիկ օջախի ռադիոհաճախական աբլացիա ՈւՁ և ՀՏ ուղղորդմամբ
Լյարդի մետաստատիկ օջախի ռադիոհաճախական աբլացիա
Թոքի քաղցկեղից լյարդի մետաստատիկ օջախի ռադիոհաճախական աբլացիա