Հիվանդը` արական սեռի, 65 տ.
ԿՏ պատկերներով հայտնաբերվել է թոքերի երկկողմ (բիլատերալ)` թվով 4 մետաստատիկ օջախ: Աջ թոքում` S 4 , S 10 , S 2 սեգմենտներում, ձախ թոքում` S – ½ սեգմենտում: Ուռուցքային օջախների չափերը՝ համապատասխանաբար 1.2 սմ, 2.65 սմ, 3.1 սմ, 1.8 սմ:
Հիվանդը դիմել է ինտերվենցիոն ռադիոլոգիայաի ծառայության բաժանմունք` ուռուցքային օջախների բուժման նպատակով:
Նախաբուժական փուլում հիվանդին կատարվել է ուռուցքային օջախից ասեղային բիոպսիա` ԿՏ ուղղորդմամբ:
Բիոպտատի հյուսվածաբանական քննության արդյունքում հաստատվել է ախտորոշումը` հաստ աղու քաղցկեղից թոքերի մետաստատիկ ախտահարում: Հաշվի առնելով զույգ թոքերի ախտահարումը և միջամտության ծավալը` հիվանդին ՌՀԱ-ն կատարվել է մի քանի փուլով:
ԿՏ ուղղորդման պայմաններում բոլոր օջախների ռադիոհաճախական աբլացիայից հետո կատարվել է կրծքավանդակի ԿՏ հետազոտություն, որի արդյունքում գրանցվել է ուռուցքային օջախների ադեկվատ աբլացիա:
Հիվանդը ստացիոնարից դուրս է գրվել բավարար վիճակում:
Երկու ամիս անց` պլանային հետազոտության ժամանակ, հիվանդի մոտ դիտվել է օնկոմարկեր CEA-ի (կարցին էմբրիոնալ անտիգեն) բարձրացում, ինչից ելնելով հիվանդին կրկին կատարվել է ԿՏ հետազոտություն, որի արդյունքներով նոր ուռուցքային օջախ չի հայտնաբերվել:
Հիվանդն այնուհետև կատարվել է ՊԷՏ-ԿՏ հետազոտություն ք.Թբիլիսիում, ինչի արդյունքներով աբլացիայի ենթարկված օջախներից մեկի ապիկալ հատվածում արձանագրվել է ռադիոիզոտոպի կուտակում:
ՊԷՏ-ԿՏ-ի արդյունքների վերլուծությունից հետո որոշվել է նշված օջախի ապիկալ հատվածը ենթարկել միջմաշկային ռադիոհաճախական աբլացիայի:
1 տարի անց կատարված ԿՏ հետազոտությամբ թոքերում ուռուցքային պրոցես չի արձանագրվել, աբլացիայի ենթարկված օջախները փոքրացել են չափերով և ուռուցքային ակտիվություն չեն գրանցել: