Մակերիկամի գոյացությունից ասեղային տրեպանացիոն բիոպսիա՝ ՈՒՁՀ ուղղորդմամբ
Բուժառուն՝ իգական սեռի, 60 տարեկան
Բուժառուն դիմել է Ինտերվենցիոն Ռադիոլոգիայի ծառայություն՝ գանգատվելով արտահայտված ընդհանուր թուլությունիցից, բութ ցավեր էպիգաստրալ և պորտային շրջաններում, ախորժակի կորուստից, փսխումներից, քաշի կորուստից մոտ 10 կգ՝ 3 ամսում, մաշկի հիպերպիգմենտացիայից։
Անամնեզում հիվանդը մոտ 3 տարի առաջ թոքի ադենոկարցինոմայի կապակցությամբ ստացել է 6 կուրս ք/թ բուժում, այնուհետև կատարվել է աջ թոքի ռեզեկցիա։ Մշտապես գտնվել է օնկոլոգի հսկողության տակ և պարբերաբար հետազոտվել է։
Մոտ 3 ամիս առաջ ի հայտ են եկել վերոհիշյալ գանգատները, ինչի կապակցությամբ հիվանդը դիմել է բժշկի։ Ախտորոշվել է առաջնային մակերիկամային անբավարարություն, ստացել է դեղորայքային բուժում։ Կատարված ՀՇ հետազոտությամբ զույգ մակերիկամներում հայտնաբերվել են նորագոյացություններ ՝ առավել հավանական մետաստատիկ ախտահարման: Բուժառուն զննվել է ուռուցքաբանի կողմից և ախտահարման բնույթը պարզելու նպատակով որոշվել է մակերիակմի գոյացությունից ասեղային տրեպան բիոպսիա։
Ախտորոշման պլան
Ինտերվենցիոն ռադիոլոգիայի ծառայությունում իրականացվել է ՈՒՁՀ քննություն, ըստ որի վիզուլաիզացվել է մակերիակմի գոյացույունը։ Որոշվել է իրականացնել մակերիակմի գոյացությունից ասեղային տրեպանացիոն բիոպսիա՝ ՈՒՁՀ ուղղորդմամբ։
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՈՒՁՀ պատկերը միջամտության ընթացքում
Միջամտությունը կատարվել է տեղային անզգայացման պայմաններում, որն ամբողջապես ապահովում է ադեկվատ ցավազրկումն ու հիվանդի հարմարավետությունը։ ։
Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։ Բիոպտատներն ուղարկվել են հյուսվածաբանական քննության։
Հյուսվածաբանական եզրակացություն
Հյուսվածաբանական պատկերը և ուռուցքային բջիջների իմունային/հակածնային կազմը համապատասխանում են թոքի ադենոկարցինոմայի համալիրներին ֆիբրոզ հյուսվածքում և կրակալումների ֆոնին (հավանաբար պաթոմորֆոզով պայմանավորված)։
Ախտորոշում` մակերիկամի մետաստատիկ ախտահարում թոքի ադենոկարցինոմայի համալիրներով։