Բուժառուն՝ արական սեռի, 64 տարեկան
Անամնեզ. բուժառուն ձախ թոքի քաղցկեղի կապակցությամբ վիրահատվել է, կատարվել է ձախ թոքի ստորին բլթի մասնահատում, որից հետո ստացել է քիմիաթերապևտիկ բուժում։ Բուժառուն գտնվել է ուռուցքաբանի մշտական հսկողության ներքո և պարբերաբար հետազոտվել է։ Հերթական ՀՇ քննությամբ հայտնաբերվել են զստոսկրի երկկողմանի օջախային ախտահարումներ։
Բուժառուն զննվել է օնկոլոգի և ինտերվենցիոն ռադիոլոգի կողմից։ Հայտնաբերված ախտահարումների բնույթը պարզելու նպատակով որոշվել է կատարել ասեղային տրեպանացիոն բիոպսիա՝ ՀՇ ուղղորդմամբ։
ՀՇ պատկերը միջամտությունից առաջ
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի սահմաններում հյուսվածաբանական պատկերը և իմունոֆենոտիպը համապատասխանում են թոքի մետաստատիկ, չափավոր տարբերակված ադենոկարցինոմային, G2: