Բուժառուն՝ իգական սեռի, 38 տարեկան
Անամնեզում բուժառուն աջ ձվարանի կիստայի (նեոպլաստիկ բնույթը ժխտված չէ) և էնդոմետրիոզի կապակցությամբ պլանավորվող վիրահատության նախավիրաատական շրջանում անցել է ՀՇ քննություն։
ՀՇ պատկերներով աջ թոքի S3, ձախ թոքի S5,S8,S9, S10 սեգմենտներում վիզուալիզացվել են հիպերդենս օջախներ՝ չափերով տատանվելով 0,6-1,3 սմ։
Բուժառուն զննվել է ուռուցքաբանի կողմից, և վերոհիշյալ օջախների բնույթը պարզելու նպատակով ցուցվել է ասեղային տրեպանացիոն բիոպսիա։ Վերջինիս կապակցությամբ բուժառուն դիմել է Ինտերվենցիոն Ռադիոլոգիայի ծառայություն։
Ախտորոշման պլան
Բուժառուն զննվել է ինտերվենցիոն ռադիոլոգի կողմից, վերանայվել են ՀՇ քննության պատկերները։ Ընտրվել է առավել բարենպաստ դիրքում գտնվող օջախը՝ մոտ 9 մմ։ Որոշվել է իրականացնել ասեղային տրեպանացիոն բիոպսիա՝ ՀՇ ուղղորդմամբ, տեղային անզգայացման պայմաններում։
Միջամտությունը կատարվել է բուժառուի՝ մեջքի վրա պառկած դիրքում։
Ժամեր անց բուժառուն դուրս է գրվել կլինիկայից, գանգատներ չի նշել։
Հետազոտվող նյութի սահմաններում հյուսվածաբանական պատկերը և իմունոֆենոտիպը համապատասխանում են թոքի մետաստատիկ ախտահարմանը, կրծքագեղձի ցածր տարբերակված կարցինոմայով, G3, հավանաբար HER-դրական: