Բուժառու՝ արական սեռի, 70 տարեկան
Գանգատներ՝ ընդհանուր թուլություն, դժվարաշնչություն, աջ անրակային շրջանի բութ ցավեր, որոնք ճառագայթվել են դեպի կրծքավանդակի աջ կես և մեջք։
Թոքի նորագոյացություն՝ C-r ?: Աջ անրակի մետաստատիկ ախտահարում՝ կոտրվածքով։
Աջ թոքի ստորին բլթում նկարագրվում է ծայրամասային հանգուցային գոյացություն։ Աջ անրակի մարմնի միջին երրորդականում քայքայված օջախ՝ բարդացած ախտաբանական կոտրվածքով։
Բուժառուն զննվել է ուռուցքաբանի և ինտերվենցիոն ռադիոլոգի կողմից, վերջնական ախտորոշման համար ցուցվել է աջ թոքի նորագոյացության ասեղային տրեպան բիոպսիա՝ ՀՇ ուղղորդմամբ և հյուսվածաբանական հետազոտություն։
ՀՇ պատկերը միջամտությունից առաջ
Միջամտությունը կատարվել է բուժառուի՝ որովայնի վրա պառկած դիրքում, անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի սահմաններում հյուսվածաբանական պատկերը եւ իմունոֆենոտիպը համապատասխանում են ինվազիվ, ցածր տարբերակված ադենոկարցինոմային, G3: