Բուժառուն՝ արական սեռի, 65 տարեկան
Աջ գոտկային շրջանի ցավեր, հևոց, շնչարգելություն, քաշի կորուստ՝ շուրջ 4-5 կգ 1 ամսում։
Բուժառուն վերոհիշյալ գանգատների կապակցությամբ դիմել է բժշկի, ամբուլատոր կարգով հետազոտվել է։ Կատարված ՀՇ քննությամբ հայտանբերվել է պերիֆերիկ նորագոյացություն աջ թոքի վերին բլթում։
Բուժառուն զննվել է ուռուցքաբանի և ինտերվենցիոն ռադիոլոգի կողմից և նորագոյացության բնույթը պարզելու նպատակով որոշվել է կատարել նորագոյացության ասեղային տրեպան բիոպսիա՝ ՀՇ ուղղորդմամբ։ Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
ՀՇ պատկերը միջամտությունից հետո
Հետազոտվող նյութի սահմաններում հյուսվածաբանական պատկերը և իմունոֆենոտիպը համապատասխանում են թոքի ինվազիվ, խոշորբջջային նեյրոէնդոկրին կարցինոմային: