Բուժառու՝ իգական սեռի, 73 տարեկան
Բուժառուն գանգատվել է ողնաշարի, գոտկային շրջանի բութ ցավերից, որոնք ճառագայթվել են դեպի ստորին վերջույթներ։
Լիմֆոպրոլիֆերատիվ հիվանդություն, թոքի նորագոյացություն՝ C-r?:
Բուժառուն գտնվել է ուռուցքաբանի մշտական հսկողության ներքո և պարբերաբար հետազոտվել է։ Հերթական ՀՇ քննությամբ հայտնաբերվել է աջ թոքի վերին բլթի S2 սեգմենտում, հորիզոնական միջբլթային թոքամզի ընդգրկումով, անհարթ եզրագծերով ծավալային գոյացություն՝ շուրջ 2,1x1,8 սմ։
Բուժառուն զննվել է ուռուցքաբանի և ինտերվենցիոն ռադիոլոգի կողմից և նորագոյացության բնույթը պարզելու նպատակով որոշվել է կատարել նորագոյացության ասեղային տրեպան բիոպսիա՝ ՀՇ ուղղորդմամբ։
ՀՇ պատկերը միջամտությունից առաջ
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում, ՀՇ ուղղորդմամբ։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2,5 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող բիոպտատի հյուսվածաբանական պատկերը եւ իմունոհիստոքիմիական հետազոտության արդյունքները համապատասխանում են թոքի ինվազիվ G1 ադենոկարցինոմային։