Բուժառուն՝ արական սեռի, 72 տարեկան
Ընդհանուր թուլություն, հազ, խորխարտադրություն, կրծքավանդակի աջ կեսի բութ ցավեր
Անամնեզում բուժառուն վերոհիշյալ գանգատների կապակցությամբ հետազոտվել է ամբուլատոր կարգով։ Կատարված ՀՇ քննությամբ նկարագրվել են քայքայված կոնսոլիդացիայի զոնաներ թոքերում, ձախ թոքում հիպերդենս օջախներ՝ հավանական երկրորդային բնույթի։
Թոքի նորագոյացություն՝ C-r ?:
Բուժառուն զննվել է ուռուցքաբանի և ինտերվենցիոն ռադիոլոգի կողմից, ախտահարման բնույթը պարզելու նպատակով ցուցվել է աջ թոքի նորագոյացության ասեղային տրեպանացիոն բիոպսիա՝ ՀՇ ուղղորդմամբ և հյուսվածաբանական հետազոտություն։
Միջամտությունը կատարվել է բուժառուի՝ որովայնի վրա պառկած դիրքում, տեղային անզգայացման պայմաններում։
Միջամտությունը կատարվել է ամբուլատոր կարգով։ Հիվանդը միջամտությունից 3 ժամ անց դուրս է գրվել կլինիկայից բավարար վիճակում, գանգատներ չի նշել։
Հյուսվածաբանական պատկերը և ուռուցքային բջիջների իմունային/հակածնային կազմը համապատասխանում են ֆիբրոզ հյուսվածքում ինվազիվ առանց եղջրացման տափակբջջային քաղցկեղին։