Բուժառուն՝ իգական սեռի, 52 տարեկան
Գանգատներ՝ Ընդհանուր թուլություն, հազ՝ լորձային բնույթի արտադրությամբ, բութ ցավեր մեջքի շրջանում։
Վերոհիշյալ գանգատները հիվանդի մոտ ի հայտ են եկել մոտ 6 ամիս առաջ։ Հիվանդը զննվել է թոքաբանի և ալերգոլոգի կողմից, նշանակվել են հակաալերգիկ պրեպարատներ։ Ժամանակի ընթացքում գանգատները հարաճել են, ինչի կապակցությամբ կատարվել է ՀՇ քննություն։
Հայտնաբերվել է թոքերի երկկողմանի դիսեմինացված ախտահարում։
Հիվանդը զննվել է կրծքային վիրաբույժի կողմից, և ախտահարման բնույթը պարզելու նպատակով ցուցվել է բիոպսիա։
Բուժառուն զննվել է ինտերվենցիոն ռադիոլոգի կողմից, վերանայվել են ՀՇ քննության պատկերները։ Որոշվել է իրականացնել տրանսթորակալ ասեղային տրեպանացիոն բիոպսիա՝ ՀՇ ուղղորդմամբ, տեղային անզգայացման պայմաններում։
Դեղին սլաքներով ցուցադրված է բիոպսիայի ասեղը։
Միջամտությունը կատարվել է բուժառուի՝ մեջքի վրա պառկած դիրքում, տևողություն՝ 30 րոպե։ 2 ժամ անց բուժառուն դուրս է գրվել կլինիկայից բավարար վիճակում։