Բուժառուն՝ արական սեռի, 60 տարեկան
Գանգատներ՝ սրբոսկրի շրջանի և ձախ ս/վ բութ ցավեր և այտուցվածություն։
Իրեն հիվանդ է համարում մի քանի ամիս, երբ ի հայտ են եկել վերոհիշյալ գանգատները, որոնք ժամանակի ընթացքում հարաճել են։ Հիվանդը դիմել է տարբեր բուժհաստատություններ, ստացել է կոնսերվատիվ բուժում, սակայն գանգատները պահպանվել են։ Կատարված ՀՇ քննությամբ հայտնաբերվել է գոյացություն սակրալ շրջանում։
Հիվանդը զննվել է օնկոլոգի կողմից և ուռուցքի բնույթի պարզման և ճշգրիտ իմունոֆենատիպավորման նպատակով ցուցվել է բիոպսիա։ Միջամտությունը կատարվել է բուժառուի՝ որովայնի վրա պառկած դիրքում, տեղային անզգայացման պայմաններում։
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հյուսվածաբանական պատկերը և իմունոհիստոքիմիական հետազոտության արդյունքները տվյալ նյութի շրջանակներում առավել համատեղելի են թոքի ադենոկարցինոմայի համալիրների հետ ֆիբրոզ հյուսվածքում, էնտերիկ տարբերակման տեղամասով։