Բուժառուն՝ իգական սեռի, 61 տարեկան
Գանգատներ՝ ընդհանուր թուլություն, ցավեր բուն էպիգաստրալ և ձախ ենթակողային շրջաններում։
Բուժառուի մոտ վերոհիշյալ գանգատներն ի հայտ են եկել մոտ 2 ամիս առաջ, ինչի կապակցությամբ հետազոտվել է, կատարվել է ՀՇ քննություն։ ՀՇ քննությամբ հայտնաբերվել են օջախային ախտահարումներ ենթաստամոքսային գեղձի գլխիկի և փայծաղի շրջաններում։ Բուժառուն զննվել է ուռուցքաբանի կողմից, և օջախային գոյացությունների բնույթը պարզելու նպատակով ցուցվել է բիոպսիա։
Բուժառուն զննվել է ինտերվենցիոն ռադիոլոգի կողմից, կատարվել է որովայնի ՈՒՁՀ քննություն, վիզուալիզացվել են փայծաղի նորագոյացությունները։
Փայծաղի նորագոյացությունների ՈՒՁՀ պատկերը
Ենթաստամոքսային գեղձի վիզուալիզացիան ՈՒՁՀ-ով սահմանափակ էր: Հաշվի առնելով գոյացությունների վիզուալիզացիան՝ որոշվել է բիոպսիան իրականացնել փայծաղի գոյացությունից։
Բիոպսիան կատարվել է տեղային անզգայացման պայմաններում, տևողությունը՝ 15 րոպե։
Բիոպտատներն ուղարկվել են լաբորատորիա՝ հյուսվածաբանական հետազոտություն։ Միջամտությունից 2 ժամ անց բուժառուն դուրս է գրվել կլինիկայից բավարար վիճակում՝ առանց գանգատների։
Հյուսվածաբանական եզրակացություն
Հյուսվածաբանական պատկերը և ուռուցքային բջիջների իմունային հակածնային կազմը համապատասխանում են դիֆուզ խոշոր B-բջջային լիմֆոմային (DLBCL, NOS):
Ախտորոշում` փայծաղի ախտահարում դիֆուզ խոշոր B-բջջային լիմֆոմայով (DLBCL, NOS):