Բուժառուն՝ իգական սեռի, 67 տարեկան
Անամնեզում բուժառուն մեխանիկական դեղնուկի կապակցությամբ ստենտավորվել է Ինտերվենցիոն ռադիոլոգիայի ծառայությունում՝ տեղադրվել է ընդհանուր լեղածորանի նիտինոլային ստենտ։ Ամիսներ անց ի հայտ են եկել մաշկի և տեսանելի լորձաթաղանթների դեղնություն, մեզի գույնի մգեցում և կղանքի անգունացում։ Վերոհիշյալ գանգատների կապակցությամբ կրկնակի անգամ զննվել է, ի հայտ է եկել մեխանիկական դեղնուկի պատկեր։ Մեխանիկական դեղնուկի կապակցությամբ կատարվել է կրկնակի երկկողմանի ( բիլատերալ) միջմաշկային միջլյարդային խոլանգիոստմաների ձևավորում։ Կլացկինի ուռուցքի և առաջնային սկլեռոզացնող խոլանգիտի միջև տարբերակիչ ախտորոշում իրականացնելու նպատակով Ինտերվենցիոն ռադիոլոգիայի ծառայությունում ցուցվել է ներլյարդային լեղուղիների անտեգրադ խոլանգիոսկոպիա։
Մեխանիկական դեղնուկի կարգավորման ֆոնին որոշվել է կատարել երկկողմանի անտեգրադ խոլանգիոսկոպիա ( ներլյարդային լեղուղիների դիտում)։
Միջամտությունը կատարվել է վիրասրահում, ընդհանուր անզգայացման պայմաններում։
Ճկուն խոլանգիոսկոպի օգնությամբ զննվել են ներլայարդային լեղուղիները, ուռուցքային ախտահարման նշաններ չեն վիզուալիզացվել։ Պատկերը նման է առաջնային սկլեռոզացնող խոլանգիտին։