Բուժառուն՝ իգական սեռի, 74 տարեկան
Գանգատներ՝ որովայնի ստորին հատվածների բութ ցավեր, սրտխառնոց։
Վերոհիշյալ գանգատների կապակցությամբ բուժառուն ամբուլատոր կարգով հետազոտվել է, կատարվել է ՀՇ հետազոտություն։ Որովայնի խոռոչում՝ գերազանցապես ստորին շրջանում, հայտնաբերվել են բազմաթիվ հյուսվածքային գոյացություններ։
Բուժառուն զննվել է օնկոլոգի և ինտերվենցիոն ռադիոլոգի կողմից։ Հայտնաբերված գոյացությունների բնույթը պարզելու նպատակով որոշվել է կատարել ասեղային տրեպանացիոն բիոպսիա՝ ՀՇ ուղղորդմամբ։ Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Բուժառուն միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի սահմաններում հյուսվածաբանական պատկերը համապատասխանում է ինվազիվ/մետաստատիկ, ցածր տարբերակված ադենոկարցինոմային, G3: Առավել հավանական է առաջնային տեղակայումը ստամոքսում։