Բուժառուն՝ արական սեռի, 68 տարեկան ։
Մոտ 2 ամիս առաջ հիվանդի մոտ ի հայտ են եկել ընդհանուր թուլություն, ցավեր աջ ենթակողային և կողմնային շրջաններոմ, որոնք ճառագայթում են դեպի մեջք, հազ և խորխարտադրություն ։
Հիվանդը դիմել է բժշկի, ամբուլատոր կարգով հետազոտվել է։ Կատարվել է ՀՇ քննություն, ըստ որի հայտնաբերվել է աջ թոքի կենտրոնական նորագոյացություն՝ C-r?, մակերիկամների երկրորդային ախտահարում, միջնորմային լիմֆադենոպաթիա, աջակողմյան հիդրոթորաքս։
Սլաքով պատկերված է թոքի նորագոյացությունը։
Հիվանդը զննվել է կրծքային վիրաբույժի կողմից, կատարվել է բրոնխոսկոպիա բիոպսիայով։ ՊՀՔ/ԻՀՔ հայտնաբերվել են ինվազիվ քաղցկեղային համալիրներ ֆիբրոզ հյուսվածքում։ Օնկոլոգի կողմից ցուցվել է մուտացիաների հետազոտություն, սակայն բրոնխոսկոպիկ բիոպտատների քանակը եղել է ոչ բավարար։ Ցուցվել է ասեղային տրեպանացիոն բիոպսիա։
Միջամտությունից առաջ իրականացվել է կրծքավանդակի ՀՇ քննություն, հայտնաբերվել է աջակողմյան հիդրոթորաքսի ավելացում։
Սալքով պատկերված է աջակողմյան հիդրոթորաքսը։
Իրականացվել է աջակողմյան թորակոցենտեզ, էվակուացվել է մոտ 1800 մլ շճային արտադրություն։
Թոքում ատելեկտազի զոնայի չափերի մեծացման պատճառով՝ ինտերվենցիոն ռադիոլոգի կողմից որոշվել է ասեղային տրեպանացիոն բիոպսիան իրականացնել աջ մակերիկամի օջախային ախտահարումից։
Կատարվել է ՈՒՁՀ քննություն, վիզուալիզացվել է մակերիկամի նորագոյացությունը։
Սլաքով նշված է մակերիկամի նորագոյացությունը։
Միջամտությունը կատարվել է տեղային անզգայացման պայմաններում։ Տևողություն՝ 15 րոպե։
Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի սահմաններում հյուսվածաբանական պատկերը և իմունոֆենոտիպը համապատասխանում են ինվազիվ, ցածր տարբերակված մուցինոզ ադենոկարցինոմային, G3: