Բուժառուն՝ արական սեռի, 64 տարեկան
Բուժառուի մոտ 1 ամիս առաջ ի հայտ են բութ ցավեր որովայնի և կրծքավանդակի շրջանում։ Վերջինիս կապակցությամբ դիմել է բժշկի, ցուցվել է ՀՇ քննություն։
Կատարված ՀՇ քննությամբ հայտնաբերվել է գեներալիզացված նեոպլաստիկ պրոցես՝ լյարդի և տարբեր լոկալիզացիաների ավշահանգույցների ախտահարմամբ։
Հաշվի առնելով մեծացած ձախակողմյան վերանրակային ավշահանգույցի առկայությունը (Վիրխովի)՝ ցուցվել է գաստրոսկոպիա ստամոքսի գոյացությունը բացառելու համար։ Կատարվել է ԷԳԴՍ բիոպսիայով, պաթոհյուսվածաբանական քննությամբ հայտնաբերվել են ուռուցքային համալիրներ Ֆատերյան պտկիկի լորձաթաղանթում՝ առավել համատեղելի նեյրոէնդոկրին ուռուցքի հետ։
Հիվանդը զննվել է ուռուցքաբանի կողմից, ցուցվել է լյարդի օջախային ախտահարումից բիոպսիա։
Բուժառուն զննվել է ինտերվենցիոն ռադիոլոգի կողմից, կատարվել է որովայնի ՈՒՁՀ քննություն։ Որոշվել է կատարել լյարդի օջախային ախտահարման ասեղային տրեպանացիոն բիոպսիա՝ ՈՒՁՀ ուղղորդմամբ։
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։ Տևողություն՝ 15 րոպե։
Միջամտությունից 3 ժամ անց բուժառուն դուրս է գրվել կլինիկայից բավարար վիճակում, գանգատներ չի նշել։
Հյուսվածաբանական պատկերը համատեղելի է լյարդի ախտահարմանը նեյրոէնդոկրին կարցինոմայի համալիրներով։