Բուժառուն՝ արական սեռի, 51 տարեկան
Հոգնածություն, թուլություն, քաշի կորուստ՝ 2-3 ամսում մոտ 8 կգ։
Նշված գանգատների կապակցությամբ բուժառուն հետազոտվել է ամբուլատոր կարգով։ ՀՇ քննությամբ հայտնաբերվել է ստամոքսի ներլուսանցքային հանգուցանման հաստացում, լյարդի և ձախ թոքի տարբեր սեգմենտներում օջախներ՝ հավանաբար մետաստատիկ բնույթի։ Հիվանդը զննվել է օնկոլոգի կողմից և գոյացությունների բնույթը պարզելու նպատակով ցուցվել է բիոպսիա։
Բուժառուն զննվել է ինտերվենցիոն ռադիոլոգի կողմից, կատարվել է որովայնի ՈՒՁՀ։ Որոշվել է կատարել ասեղային տրեպանացիոն բիոպսիա՝ ՈՒՁՀ ուղղորդմամբ։
ՈՒՁՀ պատկերը միջամտությունից առաջ
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՈՒՁՀ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հյուսվածաբանական պատկերը եւ ուռուցքային բջիջների իմունային/հակածնային կազմը համապատասխանում են թոքի High Grade ադենոկարցինոմայի համալիրներին լյարդի հյուսվածքում։