Բուժառուն՝ արական սեռի, 71 տարեկան
Ինտերվենցիոն ռադիոլոգիայի բաժանմունք դիմելիս հիվանդը գանգատներ չի նշել։
Ստամոքսի քաղցկեղ, վիճակ ստամոքսի ենթաամբողջական մասնահատումից հետո։
Բուժառուն գտնվել է ուռուցքաբանի մշտական հսկողության տակ և պարբերաբար հետազոտվել է։ Վերջին ՀՇ հետազոտությամբ լյարդում հայտնաբերվել են օջախային ախտահարումներ։
Հայտնաբերված օջախների բնույթը պարզելու համար բուժառուին ցուցվել է բիոպսիա։ Բուժառուն զննվել է ինտերվենցիոն ռադիոլոգի կողմից, կատարվել է ՈՒՁՀ հետազոտություն։ Որոշվել է կատարել ասեղային տրեպան բիոպսիա՝ ՈՒՁՀ ուղղորդմամբ։
ՈՒՁՀ պատկերը միջամտությունից առաջ
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՈՒՁՀ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հետազոտվող նյութի հյուսվածաբանական պատկերը և իմունային/հակածնային կազմը համապատասխանում են կոլոռեկտալ կարցինոմային ֆիբրոզ հյուսվածքում տարածուն մեռուկի ֆոնին։