Բուժառուն՝ իգական սեռի, 74 տարեկան
1 ամիս շարունակ բուժառուն գանգատվել է ընդհանուր թուլությունից, սկլերաների դեղնությունից, մաշկի քորից, աջ ենթակողային և էպիգաստրալ շրջաններում բութ ցավերից, ջերմության բարձրացումից մինչև 37.5C ։ Ամբուլատոր կարգով կատարված գործիքային քննությունների արդյունքում հայտնաբերվել է լեղապարկի նորագոյացություն՝ ներաճով դեպի լյարդ և 12 -մատնյա աղի։
Հայտնաբերված նորագոյացության բնույթը պարզելու նպատակով ուռուցքաբանի կողմից ցուցվել է ասեղային տրեպանացիոն բիոպսիա՝ ՈՒՁՀ ուղղորդմամբ
Միջամտությունից հետո վերցված բիոպտատն ուղարկվում է ախտորոշիչ լաբորատորիա՝ պաթոհյուսվածաբանական քննություն իրականացնելու նպատակով։
Հետազոտվող նյութի հյուսվածաբանական պատկերը և ուռուցքային բջիջների իմունային/հակածնային կազմը համատեղելի են High Grade ադենոկարցինոմայի հետ։