Բուժառուն՝ իգական սեռի, 45 տարեկան
Աջ կրծքագեղձի քաղցկեղ։ Լյարդի, վահանագեղձի, ձախ կրծքագեղձի օջախային մետաստատիկ ախտահարումներ?
Բուժառուն գտնվել է օնկոլոգի մշտական հսկողության տակ։ Կատարվել է աջ կրծքագեղձի հեռացում, 12 կուրս քիմիոթերապևտիկ բուժում։ Հերթական ՀՇ հետազոտության արդյունքում գրանցվել է բացասական դինամիկա՝ լյարդում, վահանագեղձում և ձախ կրծքագեղձում հայտնաբերվել են նոր օջախներ։
Նորագոյացությունների բնույթը պարզելու նպատակով օնկոլոգի կողմից ցուցվել է բիոպսիա։ Բուժառուն զննվել է ինտերվենցիոն ռադիոլոգի կողմից, որոշվել է կատարել ձախ կրծքագեղձի օջախային ախտահարման ասեղային տրեպանացիոն բիոպսիա՝ ՈւՁՀ ուղղորդմամբ։ Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՈՒՁՀ պատկերը միջամտության ընթացքում
Միջամտությունը կատարվել է ամբուլատոր կարգով։ Բուժառուն միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։