Բուժառուն՝ արական սեռի, 72 տ․
Բուժառուն ուղիղ աղու C-r - ի կապակցությամբ վիրահատվել է, կատարվել է տոտալ մեզոռեկտէկտոմիա՝ ծայրային սիգմոստոմայի ձևավորումով։ Վիրահատությունից գրեթե 4 -5 ամիս անց հերթական հետազոտություններով հայտնաբերվել է ռեցիդիվ՝ կատարվել է ուղիղ աղու ծայրատի շրջանի ախտահարման ասեղային բիոպսիա ՀՇ ուղղորդմամբ, ռեցիդիվը հաստատվել է։
Այնուհետև բուժառուն ստացել է 3 կուրս ք/թ բուժում։ Ք/Թ բուժումից հետո բուժառուի մոտ ի հայտ են եկել ջերմության բարձրացում՝ մինչև 38,5 C, ընդհանուր թուլություն, հետանցքի շրջանի բութ ցավեր։ Բուժառուն մի քանի անգամ ստացել է սիմպտոմատիկ բուժում, սակայն գանգատները չեն վերացել։ Անամնեզում նշում է նաև ձախակողմյան նեֆրէկտոմիա (կոնկրեմենտների և բարդացած պիելոնեֆրիտի կապակցությամբ՝ շուրջ 30 տարի առաջ), ԱԿՇ (2007թ․), խոլեցիստէկտոմիա։
Կատարվել է որովայնի՝ կոնքի խոռոչի ՀՇ քննություն, հայտնաբերվել է կոնքի խոռոչի հեղուկ կուտակում՝ աբսցես (ուղիղ աղու ծայրատի շրջան)։
ՀՇ խատկերը միջամտությունից առաջ
Հիվանդը զննվել է վիրաբույժի և ինտերվենցիոն ռադիոլոգի կողմից և ցուցվել է կոնքի խոռոչի աբսցեսի մաշկանց դրենավորում։
Միջամտության ընթացք
Միջամտությունը կատարվեց մեկ փուլով։ ՀՇ սրահում, բուժառուն՝ որովայնին պառկած դիրքում, ՀՇ պատկերներով վիզուալիզացվեց կոնքի խոռոչի աբսցեսը և հետույքային շրջանով, ՀՇ պատկերների ուղղորդմամբ, դեպի նշված կուտակման կենտրոն ներմղվեց հատուկ երկփողանի դրենաժը՝ տեղային ինֆիլտրատիվ անզգայացման պայմաններում։
Կոնքի խոռոչի հեղուկ կուտակում՝ աբսցես (դրենավորումից հետո)
Էվակուացվեց գրեթե 300 մլ թարախային արտադրություն։ Միջամտությունը տևեց շուրջ 45 րոպե։ Դրանից 4 ժամ անց հիվանդը դուրս գրվեց կլինիկայից բավարար վիճակում։