Բուժառուն՝ իգական սեռի, 67 տարեկան
Ինտերվենցիոն ռադիոլոգիայի բաժանմունք դիմելիս բուժառուն առանձնապես գանգատներ չի նշել։
Անամնեզում բուժառուն կրծքագեղձի քաղցկեղի կապակցությամբ վիրահատվել է, կատարվել է ձախ կրծքագեղձի արմատական հեռացում՝ անութափոսի լիմֆոդիսեկցիայով։ Այնուհետև ստացել է հորմոնալ թերապիա։ Բուժառուն գտնվել է օնկոլոգի մշտական հսկողության տակ և պարբերաբար հետազոտվել է, վերջին ՈՒՁՀ քննությամբ հայտնաբերվել է ձախ երիկամի նորագոյացություն։
Բուժառուն զննվել է ուռուցքաբանի և ինտերվենցիոն ռադիոլոգի կողմից, և նորագոյացության բնույթը պարզելու նպատակով որոշվել է կատարել նորագոյացության ասեղային տրեպան բիոպսիա՝ ՈՒՁՀ ուղղորդմամբ։ Միջամտությունը կատարվել է բուժառուի՝ աջ կողքի թեքված դիրքում, տեղային անզգայացման պայմաններում։
ՈՒՁՀ պատկերը միջամտության ընթացքում
Միջամտությունը կատարվել է ամբուլատոր կարգով։ Հիվանդը միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Իմունոհիստոքիմիական հետազոտությամբ ախտորոշվել է երիկամի բարորակ նորագոյացություն՝ օնկոցիտոմա։