Բուժառուն՝ արական սեռի, 65 տարեկան
Անամնեզում բուժառուն գանգատվել է ընդհանուր թուլությունից, բութ ցավերից էպիգաստրալ շրջանում, քաշի անկումից մոտ 10 կգ՝ 1 ամսում։ Բուժառուն դիմել է բժշկի, կատարվել են կլինիկո-լաբորատոր և գործիքային քննություններ։ Կատարված ՈՒՁՀ հետազոտությամբ հայտնաբերվել է ենթաստամոքսային գեղձի պոչի նորագոյացություն՝ ներաճով դեպի հարակից օրգաններ և հյուսվածքներ։
Հայտնաբերված նորագոյացության բնույթը պարզելու նպատակով ուռուցքաբանի կողմից ցուցվել է ասեղային տրեպանացիոն բիոպսիա։
Միջամտությունը կատարվել է տեղային անզգայացման պայմաններում։ 2 ժամ անց բուժառուն դուրս է գրվել կլինիկայից բավարար վիճակում՝ առանց գանգատների։
Հյուսվածաբանական պատկերը եւ ուռուցքային բջիջների իմունային/հակածնային կազմը համապատասխանում են ենթաստամոքսային գեղձի high grade դուկտալ կարցինոմային տարածուն մեռուկի ֆոնին։