Բուժառուն՝ արական սեռի, 85 տարեկան
Գանգատներ՝ Ընդհանուր թուլություն, բութ ցավեր մեջքի շրջանում, հազ, խորխարտադրություն, հևոց, օդի պակասի զգացում։
Մոտ 1 ամիս առաջ բուժառուի մոտ ի հայտ են եկել վերոհիշյալ գանգատները, ինչի կապակցությամբ կատարվել է ՀՇ քննություն։ Հայտնաբերվել են ձախ թոքի նորագոյացություն՝ ներաճով ձախ թոքարմատ, ձախ թոքի մետաստատիկ ախտահարում, միջնորմի մետաստատիկ լիմֆադենոպաթիա։
Սլաքով ցուցադրված է ձախ թոքի նորագոյացությունը
Հիվանդը զննվել է վիրաբույժի կողմից, իրականացվել է բրոնխոսկոպիա բիոպսիայով, սակայն ՊՀՔ ուռուցքային բջիջներ չեն հայտնաբերվել։Ուռուցքաբանի կողմից ախտահարման բնույթը պարզելու նպատակով ցուցվել է տրանսթորակալ ասեղային տրեպաանցիոն բիոպսիա։
Բուժառուն զննվել է ինտերվենցիոն ռադիոլոգի կողմից, վերանայվել են ՀՇ քննության պատկերները։ Որոշվել է իրականացնել տրանսթորակալ ասեղային տրեպանացիոն բիոպսիա՝ ՀՇ ուղղորդմամբ, տեղային անզգայացման պայմաններում։
Սլաքով ցոուցադրված է բիոպսիոն ասեղը
Միջամտությունը կատարվել է բուժառուի՝ որովայնի վրա պառկած դիրքում, տևողություն՝ 30 րոպե։
2 ժամ անց բուժառուն դուրս է գրվել կլինիկայից բավարար վիճակում։
ՀՇ պատկերը միջամտությունից հետո