Բուժառուն՝ արական սեռի, 63 տարեկան
Անամնեզում հաստ աղու քաղցկեղի և երիկամի (մակերիկամի) մետաստատիկ ախտահարման կապակցությամբ վիրահատվել է, կատարվել է ուղիղ աղու առաջային մասնահատում՝ սիգմայաձև աղի-ուղիղ աղիքային բերանակցման ձևավորմամբ։ Բուժառուն գտնվել է ուռուցքաբանի մշտական հսկողության տակ և պարբերաբար հետազոտվել է։ Հերթական ՀՇ քննությամբ հայտնաբերվել է նորագոյացություն բերանակցման շրջանում։
Բուժառուն զննվել է օնկոլոգի և ինտերվենցիոն ռադիոլոգի կողմից։ Հայտնաբերված նորագոյացության բնույթը պարզելու նպատակով որոշվել է կատարել ասեղային տրեպանացիոն բիոպսիա՝ ՀՇ ուղղորդմամբ։
ՀՇ պատկերը միջամտությունից առաջ
Միջամտությունը կատարվել է բուժառուի՝ մեջքի վրա պառկած դիրքում, տեղային անզգայացման պայմաններում։
ՀՇ պատկերը միջամտության ընթացքում
Միջամտությունը կատարվել է ամբուլատոր կարգով։ Բուժառուն միջամտությունից 2 ժամ անց դուրս է գրվել կլինիկայից բավարար վիճակում, գանգատներ չի նշել։
Հյուսվածաբանական պատկերն առավել համատեղելի է բերանակցման շրջանի ադենոկարցինոմայի հետ՝ մուցինոզ բաղադրիչով։