Բուժառուն՝ իգական սեռի, 66 տարեկան
Անամնեզում բուժառուն մոտ 10 տարի առաջ ձախ կրծքագեղձի քաղցկեղի կապակցությամբ վիրահատվել է, կատարվել է ձախակողմյան ռադիկալ մաստէկտոմիա՝ անութափոսի լիմֆոդիսեկցիայով։ Այնուհետև ստացել է քիմիոթերապևտիկ, ճառագայթային և հորմոնալ թերապիա։ Մշտապես գտնվել է օնկոլոգի հսկողության տակ և պարբերաբար հետազոտվել է։
Վերջին ՀՇ հետազոտությամբ հայտնաբերվել է հետորովայնամզային տարածության պարաաորտալ դասավորված նորագոյացություն ՝ հավանական նեոպլաստիկ բնույթի:
Բուժառուն զննվել է ուռուցքաբանի և ինտերվենցիոն ռադիոլոգի կողմից և նորագոյացության բնույթը պարզելու նպատակով որոշվել է կատարել նորագոյացության ասեղային տրեպան բիոպսիա՝ ՀՇ ուղղորդմամբ։
Միջամտությունը կատարվել է բուժառուի՝ որովայնի վրա պառկած դիրքում, տեղային անզգայացման պայմաններում։ Հաշվի առնելով գոյացության սերտ հարումը որովայնային աորտային՝ միջամտության ընթացքում պարբերաբար կատարվել են ՀՇ քննություններ հնարավոր բարդություններից խուսափելու համար։
Հյուսվածաբանական պատկերը և ուռուցքային բջիջների իմունային/հակածնային կազմը համապատասխանում են ֆիբրոզ հյուսվածքի ֆրագմենտի մետաստատիկ/երկրորդային ախտահարմանը կրծքագեղձի ինվազիվ քաղցկեղով։ Luminal type։