Բուժառուն՝ իգական սեռի, 59 տարեկան
Անամնեզում բուժառուն մոտ 6 ամիս գանգատվել է դեմքի և պարանոցի այտուցվածությունից և ցիանոզից, դժվարաշնչությունից։ Դիմել է բժշկի, նշանակվել են հակաալերգիկ պրեպարատներ։ Գանգատները ժամանակի ընթացքում հարաճել են, ինչի կապակցությամբ բուժառուն կրկնակի հետազոտվել է։
Կատարված էխո-սրտագրությամբ հայտնաբերվել է նորագոյացություն աջ նախասրտում, ցուցվել է ՀՇ քննություն։
Հիվանդը զննվել է սրտաբանի, ուռուցքաբանի և ինտերվենցիոն ռադիոլոգի կողմից։ Նորագոյացության բնույթը պարզելու նպատակով ցուցվել է բիոպսիա։
Ինտերվենցիոն ռադիոլոգի կողմից մշակվել է միջամտության սխեմա՝ ֆորցեպս բիոպսիա տրանսյուգուլյար մուտքով։Միջամտությունն իրականացվել է ռենտգեն ուղղորդմամբ, տեղային անզգայացման պայմաններում։
Պաթոհյուսվածաբանական քննությամբ ախտորոշվել է խոշոր B-բջջային լիմֆոմա (DLBCL), պոստհերմինատիվ (ABC) ֆենոտիպով։