Հիվանդը` արական սեռի, 66 տ.
Ախտորոշում. աջ մակերիկամի քաղցկեղ,
Հիվանդը դիմել է օնկոլոգի գանգատվելով ընդհանուր թուլությունից, քաշի կորուստից, գոտկային շրջանում ցավերից:
Կատարվել է ԿՏ հետազոտություն, ինչի արդյունքում հիվանդի մոտ հայտնաբերվել է աջ մակերիկամի նորագոյացություն:
Մակերիկամի ուռուցքային ախտահարման բնույթը պարզելու նպատակով հիվանդը ուղղորդվել է ինտերվենցիոն ռադիոլոգիայի ծառայություն:
Հիվանդին կատարվել է ՈւՁՀ և հայտնաբերվել է աջ մակերիկամի ուռուցքային ախտահարում:
Այնուհետև տեղային անզգայացման և ն/ե քնաբեր դեղորայքի ազդեցության ներքո հիվանդին կատարվել է մակերիկամի ուռուցքային գոյացությունից միջմաշկային միջլյարդային ասեղային տրեպան բիոպսիա` ՈւՁՀ ուղղորդմամբ:
Բիոպտատների հյուսվածքաբանական և իմունոհիստոքիմիական հետազոտության արդյունքում հիվանդի մոտ ախտորոշվել է աջ մակերիկամի մետաստատիկ կարցինոմա: