2022-05-25
Վահանաձև գեղձի պաթոլոգիաների տարածվածությունը տարեցտարի աճում է: Միջազգային պրակտիկայի տվյալներով 50-անց կանանց կեսն ունի հանգույցներ, իսկ 70 տարեկանի դեպքում այդ թիվը ձգտում է 100%-ի:
Այս իրավիճակը բժիշկներից պահանջում է ոչ միայն ճշգրիտ ախտորոշում, այլև չարորակ նորագոյացությունների վաղ հայտնաբերում և վիրահատական միջամտությունների ճիշտ ցուցումներ: Վահանաձև գեղձի բարակ ասեղային ասպիրացիոն բիոպսիան վահանաձև գեղձի հետազոտման ամենաարդյունավետ մեթոդն է, որ կիրառվում է բոլոր այն դեպքերում, երբ կա հանգույց և անհրաժեշտ է որոշել հանգույցի բնույթը:
Ներկայումս վահանաձև գեղձի հանգույցները դասակարգվում են ըստ ուլտրաձայնային հետազոտության տվյալների՝ ՈւՁ TIRADS դասակարգմամբ: Այս դասակարգումը ստեղծվել է, որպեսզի թույլ տա բժիշկներին գնահատել հանգույցի չարորակության վտանգը: Ելնելով TIRADS դասակարգումից և հանգույցի չափերից՝ բուժառուն ուղղորդվում է բիոպսիայի:
Բարակ ասեղային պունկցիոն բիոպսիան ցուցված է այն դեպքերում երբ՝
Մինչև 0,5 սմ չափի հանգույցներն ընդունված է համարել չարորակության ցածր վտանգ ունեցող և այսպիսի բուժառուներին պարզապես սահմանվում է ուլտրաձայնային հսկողություն:
Բիոպսիան թույլ է տալիս պատասխանել հետևյալ գլխավոր հարցերին՝
Բարակ ասեղային պունկցիոն բիոպսիայի կիրառումը բժշկական պրակտիկայում ցույց տվեց, որ հանգույցների շուրջ 5% է ունենում չարորակ բնույթ, իսկ մնացածը՝ կարելի է համարել անվտանգ: Բիոպսիայի կիրառման արդյունքում վիրահատության ցուցումների թիվը կրճատվել է շուրջ տասն անգամ: Սա բացատրվում է նրանով, որ բիոպսիայի շնորհիվ վիրահատության ենթարկվում են միայն նրանք, ովքեր իսկապես ունեն ցուցում՝ հիմնված ճշգրիտ ախտորոշման վրա:
Նշենք նաև, որ ներկայումս ընդունված է կատարել միայն ուլտրաձայնային հսկողությամբ բարակ ասեղային պունկցիոն բիոպսիա:
Սովորաբար, բարակ ասեղային ասպիրացիոն բիոպսիան կատարվում է մեկ անգամ, սակայն միջամտության ընթացքում նմուշ վերցվում է տարբեր մասերից: Բարձր ինֆորմատիվություն ապահովում է 5 տարբեր մասերից կատարված նմուշառումը:
Կրկնակի բիոպսիայի կարիք է առաջանում երբ՝
Բարակ ասեղային պունկցիոն բիոպսիան բացարձակ անվնաս է մարդու առողջության համար և չունի որևէ հակացուցում: Ժողովրդի մեջ տարածված վախերն անհիմն են, իսկ վախի պատճառով բիոպսիայից հրաժարվելը ցուցում ունենալու դեպքում կարող է լուրջ հետևանքներ ունենալ:
Բիոպսիայի միջամտությունը տևում է շուրջ 10 րոպե և բուժառուն այնուհետև վերադառնում է իր առօրյա կյանքին:
Կարդացեք նաև՝ Հաճախ հնչող հարցեր վահանաձև գեղձի բիոպսիայի վերաբերյալ