Որոշել արդյոք համակցված պատկերային ուղղորդմամբ իրականցվող միջմաշկային միկրոալիքային աբլացիան (ՄԱԱ- MWA) կարող է բարելավել ուլտրաձայնային հետազոտությամբ անտեսանելի համարվող լյարդի մետաստազների տեսանելիությունը և թիրախավորումը:
Իրականացվել է ՈւՁ-ով ոչ բավարար տեսանելիություն ունեցող լյարդի մետաստազների ՄԱԱ՝ ԿՏ/ՈւՁ համակցված պատկերային ուղղորդմամբ: Հինգ բալանոց սանդղակով գնահատվել է տեսանելիությունը համակցված պատկերումից առաջ և հետո, ապա Ուիլկոքսոն թեստով գնահատվել է արդյունքը: Գնահատվել են նաև տեխնիկական հաջողությունը, կատարման ժամանակը և միջամտությանն առնչվող բարդությունները:
Հետազոտությունը քննել է 35 բուժառուի՝ ընդհանուր թվով լյարդի 40 մետաստազի դեպք (միջինում 1.3 ± 0.4 սմ) : 33 բուժառուի պարագայում համակցված պատկերումը ապահովել է բավարար տեսանելիություն՝ թույլ տալով իրականացնել համակցված-թիրախային ՄԱԱ: Միջինում, համակցված պատկերների մշակման և ուռուցքների հայտնաբերման համար պահանջվել է 10 ± 2.1 րոպե (range 5–14):
Ներառման չափանիշով ՈւՁ-ում նախնական տեսանելիությունը կազմում էր 1.2 ± 0.4 (range 0–2), մինչդեռ համակցված պատկերներում տեղորոշումից հետո՝ 3.5 ± 1 (range 1–5, p < 0.001):
Տեխնիկական հաջողության ցուցանիշը 83% (33/40) է՝ ըստ բոլոր ռանդոմացված բուժառուների վերլուծության և 100%՝ միջամտության ենթարկված ուռուցքների վերլուծության:
Համակցված պատկերումն ընդլայնում է ՈւՁ ուղղորդմամբ ՄԱԱ-ի հնարավորությունները՝ ավանդական ՈւՁ-ի դեպքում բավարար տեսանելիություն չունեցող մետաստազների համար:
Համակցված պատկերումը արդյունավետ գործիք է ավանդական ՈւՁ-ով չվիզուալիզացվող լյարդի մետաստազների տեսանելիությունը բարձրացնելու համար:
Համակցված պատկերում, լյարդի մետաստազներ, ջերմային աբլացիա
Fusion imaging Liver metastases Thermal ablation
Աղբյուրը՝ springer.com
Կարդացեք նաև՝
Լյարդի մետաստազների Ռադիոհաճախական աբլացիա. կլինիկական դեպք