Լեղուղիների նիտինոլային ստենտավորում
Չարորակ նորագոյացությունների պատճառով բիլիար տրակտի (լեղուղիների) անցանելիության խանգարման դեպքերում, երբ առանցքային հիվանդության բուժմանն ուղղված ռադիկալ վիրահատական միջամտություն ցուցված չէ հիվանդին, լեղուղիների անցանելիությունը վերականգնվում է լեղածորանների նիտինոլային ստենտավորման միջոցով:
Լեղածորանների նիտինոլային ստենտավորումը, ֆիզիոլոգիական տեսանկյունից առավել արդյունավետ է իրականացնում լեղու ներքին դրենավորումը՝ վերականգնելով լեղածորանի լուսանցքը: Լեղածորանի ստենտավորումից մի քանի օր անց լեղուղիները դրենավորող դրենաժը կամ դրենաժները հեռացվում են:
Ստենտավորումը կատարվում է հետևյալ կերպ.
Նախ և առաջ ռենտգեն պատկերներով վիզուալիզացվում է արտաքին խոլանգիոստոման լեղածորանի մեջ
Այնուհետև ներարկվում է կոնտրաստ նյութը արտաքին ՄՄԽՍ-ի մեջ և կատարվում է ռենտգեն խոլանգիոգրաֆիա: Պարզվում է լեղածորանի ընդհատման մակարդակը:
Որից հետո ուղղորդող լարի օգնությամբ հեռացվում է արտաքին խոլանգիոդրենաժը
Մանիպուլյացիոն կաթետերի և ուղղորդող լարի միջոցով կատարվում է լեղածորանի լուսանցքի վերականգնում
Մանիպուլյացիոն կաթետերի միջոցով կատարվում է որոնող ռենտգեն խոլանգիոգրաֆիա լեղածորանի նեղացման հստակ տեղակայումը և չափը որոշելու նպատակով
Այնուհետև, լեղածորանի չափը որոշելուց հետո, կատարվում է նեղացած հատվածի բալոնային լայնացում (balloon dilatation)
Բալոնային լայնացումից հետո ուղղորդող լարի վրայով ներմուծվում է նիտինոլային ինքնաբացվող ստենտ՝ լեղածորանի նեղացած չափին համապատասխան և կատարվում է լեղածորանի ստենտավորում
Այնուհետև կատարվում է հսկիչ խոլանգիոգրաֆիա՝ ստենտի և լեղուղիների անցանելիությունը ստուգելու նպատակով
Լեղուղիների ստենտավորումը հիվանդին հարմարավետություն է ապահովում՝ ազատելով լեղուղիների դրենաժներից:
