Ինտերվենցիոն ռադիոլոգիայի ի հայտ գալուն պես ներդրվեցին մեխանիկական դեղնուկի մինիմալ ինվազիվ և բուժման բարձր էֆեկտիվություն ունեցող միջամտություններ:
Մեխանիկական դեղնուկը, անկախ էթիոլոգիայից, օրգանիզմի պաթոլոգիկ կարգավիճակ է, որն իր առաջացման պահից սկսած հանգեցնում է լյարդային անբավարարության: Մեխանիկական դեղնուկի լիկվիդացիայի բացակայության պարագայում արագորեն զարգանում է դեկոմպենսացված լյարդային անբավարարություն՝ երկրորդային բիլիար ցիռոզ:
Մեխանիկական դեղնուկի բարդություններից է խոլանգիտը և բիլիար սեպսիսը: Մեխանիկական դեղնուկի լիկվիդացիայի նպատակով կիրառվում են լեղուղիների մինիմալ ինվազիվ դրենավորող և ստենտավորող միջամտություններ:
Օնկոգենեզով պայմանավորված մեխանիկական դեղնուկի առաջացման պարագայում առավել հաճախ կիրառվում են ինտերվեցիոն ռադիոլոգիայի բուժական տեխնոլոգիաները: Մեխանիկական դեղնուկի բուժման առաջնային բուժական եղանակն է լեղուղիների արտաքին միջմաշկային միջլյարդային խոլանգիոստոմիան՝ ա.ՄՄԽՍ:
Տեղային անզգայացման և ներերակային սեդացիայի պայմաններում (երբ առկա է լյարդային անբավարարության զարգացած փուլ, միջամտությունը կատարվում է միայն տեղային անզգայացման պայմաններում) ՈւՁՀ հսկողության ներքո կատարվում է լայնացած ներլյարդային լեղածորանի պունկցիա:
Այնուհետև կոնտրաստ նյութ է ներարկվում պունկցիոն ասեղի մեջ և ռենտգեն պատկերներով վիզուալիզացվում են ներլյարդային լեղուղիները:
Այնուհետև ուղղորդող լարը ներմուծվում է դեպի ներլյարդային լեղուղիներ
որից հետո կաթետերիզացվում են ներլյարդային լեղուղիները
Այնուհետև կատարվում է ռենտգեն խոլանգիոգրաֆիա, որը թույլ է տալիս վիզուալիզացնել լեղուղիները՝ որոշել լեղուղիների ընդհատման մակարդակը և պատճառը:
Հաջորդ քայլով կատարվում է լեղուղիների միջմաշկային միջլյարդային արտաքին խոլանգիոստոմիա Սելդինգերի մեթոդով ա.ՄՄԽՍ
Խոլանգիոստոմայի միջով ներարկվում է կոնտրաստանյութ, և կատարվում է ռենտգեն խոլանգիոգրաֆիա:
Ադեկվատ խոլանգիոգրաֆիկ պատկերի պարագայում լեղուղիների արտաքին միջմաշկային միջլյարդային խոլանգիոստոմիան համարվում է ավարտված: