Հիվանդը` իգական սեռի ,34 տ.
Բուժառուի մոտ մի քանի տարի առաջ հայտնաբերվել է վահանաձև գեղձի կիստա, գտնվել է էնդոկրինոլոգի հսկողության ներքո: Վերջին 2 ամսում բուժառուին անհանգստացրել են պարանոցի շրջանում արտափքված ասիմետրիան, կլման ակտի ժամանակ դիսկոմֆորտի զգացումը:
Կատարված ՈւՁՀ- ի ժամանակ հայտնաբերվել է կիստայի չափերի մեծացում:
Կինն ուղղորդվել է ինտերվենցիոն ռադիոլոգիայի ծառայության բաժանմունք` կիստայի բուժման նպատակով:
Նախ, կատարվեց կիստայի պարունակության ասպիրացիա.
Կիստայի պարունակությունը դատարկելուց հետո կատարվեց էթանոլի ներարկում 1 րոպե էքսպոզիցիայով:
ՈւՁՀ սկանավորման պատկերներով երևում է, թե ինչպես է էթանոլը լցվում կիստայի խոռոչ.
Էթանոլը կիստայից ասպիրացնելուց հետո կիստայի բուժումն ավարտվեց, ՈւՁՀ պատկերներում վահանաձև գեղձի կիստան այլևս չկա.