ՀԻՎԱՆԴԸ՝ իգական սեռի, 57 տ.
Ձախ կրծքագեղձի C-r, վիճակ ձախակողմյան ռադիկալ մաստէկտոմիայից, ՊՔԹ- ից (9 կուրս) և ճառագայթային բուժումից հետո։ Թոքերի mts ախտահարում։
ԿՏ հետազոտությամբ հայտնաբերվել է ձախ թոքի S1 (2,0 x 1,4սմ), S10 (0,9x0,6 սմ), աջից S1 (1,9x1,6 սմ) սեգմենտներում օգախային գոյացություններ՝ բացասական դինամիկայով։ ԿՏ պատկերը միջամտությունից առաջ
Հիվանդը զննվել է օնկոլոգի կողմից և հաշվի առնելով թոքի օջախային գոյացությունների բացասական դինամիկան, ինչպես նաև օջախային գոյացությունների չափսերը, որոնք թույլ են տալիս իրականացնել ռադիոհաճախական աբլացիա (ՌՀԱ), պացիենտին ցուցվել է թոքի մետաստատիկ օջախների ռադիոհաճախական աբլացիա (ՌՀԱ)՝ ԿՏ ուղղորդմամբ, տեղային ինֆիլտրատիվ անզգայացման և ն/ե սեդացիայի պայմաններում:
Մետաստատիկ օջախների ռադիոհաճախական աբլացիան (ՌՀԱ) կատարվեց 2 փուլով։
ԿՏ սրահում, հիվանդի` մեջքին պառկած դիրքում, ԿՏ պատկերներով վիզուալիզացվեց աջ թոք S1 սեգմենտի մետաստատիկ օջախը։ Դեպի նշված ուռուցքային օջախ ներմուծվեց (scientific RF 3000) ՌՀԱ 4.0 անձրևանոց տիպի էլեկտրոդը, կատարվեց 2 ապլիկացիա 14 րոպե ընդհանուր տևողությամբ (ըստ էլեկտրոդի տրամաչափի նախատեսված է հատուկ ալգորիթմ)։
Միջամտությունից հետո ԿՏ պատկերներով գնահատվեց աբլացիոն զոնան, որով ավարտվեց առաջին փուլը։
Երկրորդ փուլում՝ 5 օր անց, կատարվեց ձախ թոքի S1, S10 սեգմենտների մետաստատիկ օջախների ռադիոհաճախական աբլացիա (ՌՀԱ)։
Հիվանդի դիրքը՝ մեջքին պառկած, յուրաքանչյուր սեգմենտի մետաստատիկ օջախի համար կիրառվեց (scientific RF 3000) ՌՀԱ 3.0 անձրևանոց տիպի էլեկտրոդ, կատարվեց 1 ապլիկացիա 14 րոպե ընդհանուր տևողությամբ` ըստ էլեկտրոդի տրամաչափի համար նախատեսված հատուկ ալգորիթմի։ Միջամտությունից հետո ԿՏ պատկերով աբլացիոն զոնան գնահատվեց բավարար և դրանով ավարտվեց երկրորդ փուլը։
