Հիվանդը` իգական սեռի, 57 տարեկան
ՈՒՂԵԿՑՈՂ ՀԻՎԱՆԴՈՒԹՅՈՒՆՆԵՐ. ձվարանի C-r՝ T2NxMx, վիճակ վիրահատությունից հետո, լլյարդի mts ախտահարում, պարանոցի, անութափոսի ավշային հանգույցների ախտահարում՝ ձախից, վիճակ քիմիաթերապիայից հետո, IV փուլ։
ԿՏ հետազոտությամբ հայտնաբերվել է աջ գոտկասրբանային (L5-S1) շրջանում՝ իլիոփսոաս մկանի հաստության մեջ և հարակից շրջանում պարկավորված աբսցես։
Շտապ կարգով կատարվել է մինիմալ ինվազիվ միջամտություն`աբսցեսի միջմաշկային դրենավորում:
Հաշվի առնելով աբսցեսի տեղակայումը և ՈւՁՀ մեթոդով այն վիզուալիզացնելու անհնարինությունը` աբսցեսի միջմաշկային դրենավորումը կատարվել է ԿՏ ուղղորդմամբ՝ տեղային անզգայացման և ն/ե սեդացիայի պայմաններում:
Զստոսկրի հետին եզրից 3–4 սմ վերև՝ դեպի փսոաս մկան, ՏԻԱ + ն/ե սեդացիայի պայմաններում, Chiba 18G ասեղով, ԿՏ ուղղորդմամբ, կատարվել է հեղուկ կուտակման պունկցիա: Ասեղով ստացվել է մոտ 40 մլ թարախ:
Այնուհետև, Սելդինգերի մեթոդով կատարվել է վերը նշված խոռոչի դրենավորում՝ 10 Fr Pigtail դրենաժային կաթետերով: Դրենավորվել է 300մլ թարախային արտադրություն:
Միջամտության ընթացքում դրենավորված աբսցեսի խոռոչը կոնտրաստավորվել է, ինչի միջոցով ժխտվել է 2 հարակից օջախների միջև առկա հաղորդակցությունը:
Իլիոփսոաս մկանի հարակից շրջանում նկարագրված աբսցեսը դրենավորվել է առանձին:
Ռադիոլոգի հետ միասին որոշվեց օպտիմալ անվտանգ պունկցիոն ուղին՝ աջ զստափոսային շրջանում։
Միջամտությունից հետո հիվանդի դինամիկ հսկման ընթացքում հայտանբերվել է նաև աջ ազդրային շրջանում պարկավորված աբսցես, որը նույնպես ենթարկվել է մինիմալ ինվազիվ միջմաշկային դրենավորման՝ ՈւՁՀ ուղղորդման, տեղային ինֆիլտրատիվ անզգայացման պայմաններում:
Պունկտատները ուղարկվել են բակտերիոլոգիական հետազոտության, հայտաբերվել է հարուցիչը՝ Staphylococcus aureus: Հիվանդին նշանակվել է համապատասխան հակաբակտերիալ բուժում՝ բակտերիոլոգիական ցանքսի քննության և հակաբիոտիկների նկատմամբ զգայնության որոշման արդյունքների հիման վրա: