Շագանակագեղձի զարկերակների էմբոլիզացիան նվազագույն ինվազիվ մեթոդ է, որը մեղմում է մեծացած շագանակագեղձի առաջացրած ախտանիշները՝ նվազեցնելով արյան հոսքը ախտահարված շրջանը սնուցող զարկերակներում:
Այս միջամտության էությունը շագանակագեղձի կենտրոնական հյուսվածքը սնուցող զարկերակներում արյան հոսքը դադարեցնելն է, ինչի արդյունքում մեղմանում են հիվանդության ախտանիշները:
Սովորաբար շագանակագեղձի երկու՝ աջ և ձախ կողմերով անցնում են զարկերակներ, որոնք սնուցում են այն: Ինտերվենցիոն ռադիոլոգը պացիենտի աճուկի զարկերակից ներմուծում է կաթետեր պատկերային հսկողության ներքո ուղղորդում է այն դեպի շագանակագեղձի զարկերակ: Այնուհետև ներարկում է միկրոմասնիկներ, որոնք արյան հոսքը դեպի շագանակագեղձի կենտրոնական հյուսվածք նվազեցնում կամ դադարեցնում են:
Շագանակագեղձի բարորակ հիպերպլազիան մի շարք անցանկալի ախտանիշներ է առաջացնում: Շագանակագեղձի զարկերակի էմբոլիզացիան մեղմացնում է այդ ախտանշանները և պացիենտը վիրահատության կարիք այլևս չի ունենում:
Չնչին վտանգ է աճուկային շրջանի կապտուկը: Ավելի էական վտանգ հնարավոր է առաջանա եթե միկրոմասնիկները տեղափոխվեն օրգանիզմի այլ մասեր՝ արգելափակելով զարկերակի այլ ճյուղեր:
նյութի աղբյուրը՝ cirse.org
թարգմանությունը՝ irg.am