Ցավոք, կանանց հետծննդաբերական շրջանի արյունահոսությունները հազվադեպ չեն: Հետծննդաբերական արյունահոսությունն անմիջապես երեխայի ծնվելուց հետո ծննդկանի արյան կորուստն է: Հետծննդաբերական արյունահոսությունը կնոջ կյանքին վտանգ սպառնացող երևույթ է:
Էմբոլիզացիան նվազագույն ինվազիվ միջամտություն է, որն արգելափակում է արյունահոսող անոթները:
Ինտերվենցիոն ռադիոլոգը ներմուծում է 2-3 մմ կաթետերը (խողովակ) պացիենտի աճուկային հատվածի անոթից և պատկերային (ճառագայթային) հսկողությամբ կաթետերն ուղղորդում է դեպի արգանդի աջ և ձախ զարկերակները: Այնուհետև արգանդի զարկեակներում կաթետերի միջով ներարկվում են միկրոմասնիկներ (էմբոլներ), որոնք դանդաղեցնում են արյան հոսքը դեպի արգանդ և դադարեցնում են սուր արյունահոսությունը:
Առանց բուժման, հետծննդաբերական արյունահոսությամբ կինը հնարավոր է հայտնվի շոկային վիճակում, ինչը կյանքին վտանգ սպառնացող վիճակ է: Էմբոլիզացիայի միջամտությունն ունի ավելի քան 95% հաջողություն՝ հետծնդաբերական արյունահոսությունները վերահսկելու և պացիենտի վճակը կայունացնելու հարցում:
Չնչին վտանգ է աճուկային հատվածի կապտումը: Առավել էական վտանգ հնարավոր է առաջանա, եթե միկրոմասնիկները տեղափոխվեն օրգանիզմի այլ հատվածներ և արգելափակեն այլ զարկերակներ:
նյութի աղբյուրը՝ cirse.org
թարգմանությունը՝ irg.am