ՄԱՆՌ նշանակում է միջմաշկային ասպիրացիա ներարկում ռեասպիրացիա: ՄԱՆՌ-ը համեմատաբար նոր և նվազագույն ինվազիվ բուժական եղանակ է: Վիրահատությունը էխինակոկի բուժման դեպքում երկար ժամանակ համարվում էր կիստոզ էխինոկոկոզի բուժման միակ տարբերակ: Էխինակոկի ՄԱՆՌ բուժական եղանակն այժմ արդյունավետ բուժական մոտեցում է, որը շատ հաճախ կարող է փոխարինել վիրահատությանը:
ՄԱՆՌ միջամտությունը կատարվում է ուլտրաձայնային հետազոտության կամ համակարգչային տոմոգրաֆիայի ուղղորդմամբ: Բուշտի մեջ միջմաշկային պունկցիոն եղանակով ուլտրաձայնանային հետազոտության հսկողությամբ կամ ԿՏ ուղորդմամբ տեղադրվում է հատուկ դրենաժային խողովակ, որին հաջորդում է շուրջ 15 րոպե մակաբույծասպան դեղամիջոցի ներարկում և այնուհետև բուշտի պարունակությունը ռեասպիրացվում է: Գործողությունների այս հաջորդականությունը կատարվում է մինչև բուշտի մաքրվելը:
Այնուհետև բուշտի մեջ ներարկվում է իզոտոնիկ նատրիումի քլորիդի լուծույթ: Շուրջվիրահատական դեղորայքային բուժումը պարտադիր է (սկսում է միջամտությունից 4 օր առաջ և շարունակվում է 1-3 օր): ՄԱՆՌ մեթոդը կարելի է կիրառել լյարդի, ոսկրերի, երիկամի էխինոկոկային բուշտերի պարագայում, և չի կիրառվում թոքի կամ գլխուղեղի բուշտերի պարագայում: Հիմնականում կիրառվում է Gharbi ուլտրաձայնային դասակարգման I կամ II տիպի, մինչև 10 սմ բուշտերի դեպքում:
բուշտային էխինակոկ
Միջամտությունը ցուցված է.
- հղի կանանց
- 3 տ բարձր երեխաներին
- անարդյունավետ քիմիաթերապիայի հետո
- վիրահատության հակացուցում ունեցող կամ դրանից հրաժարվող պացիենտներին
- վիրահատությունից հետո ախտադարձի պարագայում
Միջամտության հակացուցումներ են հետևյալները.
- լյարդում բուշտի վտանգավոր տեղակայում կամ մուտքուղու բացակայություն
- ողնաշարի, գլխուղեղի, սրտի բուշտ
- ոչ ակտիվ կամ կալցիֆիկացված ախտահարում
- լեղուղիների ծառին միացումով բուշտ
- որովայնային խոռոչ, բրոնխներ կամ միզային համակարգ բացվող բուշտ
Միջմաշկային ասպիրացիա ներարկում ռեասպիրացիա միջամտությունն ունի մի շարք առավելություններ, ներառյալ.
- նվազագուն ինվազիա (մուտք օրգանիզմ)
- վիրահատության հետ համեմատած բարդությունների քիչ վտանգ
- ախտորոշման հաստատում
- հոսպիտալացման կարճ ժամկետ
- մատչելիություն
Վտանգները.
- պունկցիայի հետ կապված վտանգներ
- անաֆիլակտիկ շոկ կամ ալերգիկ այլ ռեակցիաներ
- արտահոսքի պատճառով երկրորդային էխինոկոկոզի զարգացման վտանգ
- լեղուղիների ծառին միացումով բուշտի պարագայում քիմիական (սկլերոզացնող) խոլանգիտի զարգացման վտանգ
- հանկարծակի ներբուշտային դեկոմպրեսիա՝ լեղուղիների խուղակի զարգացման վտանգով
- մեծ բուշտերի պարագայում ալկոհոլի կամ հիպերտոնիկ աղային լուծույթի համակարգային թունավորություն: