Սա ստամոքսաելքի խցանումն է, ինչի պատճառով ստամոքսի դատարկում (բեռնաթափում) տեղի չի ունենում: Հաճախ սա առաջանում է ստամոքս- 12 մատնյա աղիքային շրջանի, մասնավորապես՝ ստամոքսի կամ ենթաստամոքսային գեղձի ուռուցքային ախտահարման արդյունքում, թեև այլ պատճառներ նույնպես հավանական են:
Ստամոքս-12 մատնյա աղիքային ելքի խցանման պարագայում հիվանդի մոտ առաջանում է սրտխառնոց, փսխում, քաշի կորուստ և որովայնում անհանգստության զգացում: Սա կարող է մեծապես վատթարացնել կյանքի որակը:
Ախտորոշումը փոքր ինչ դժվար է, քանի որ ախտանշանները նման են մի շարք այլ հիվանդությունների ու վիճակների ախտանիշների: Այնուամենայնիվ, ստամոքս-12 մատնյա աղիքային ելքի խցանումը կարող է հայտնաբերվել գործիքային հետազոտությունների օգնությամբ, ներառյալ՝ կոմպյուտերային տոմոգրաֆիա (ԿՏ) , մագնիսառեզոնանսային տոմոգրաֆիա (ՄՌՏ) և էնդոսկոպիա:
Կախված անհատական դեպքից, հիվանդի վիճակից՝ ընտրվում է բուժման վիրահատական կամ ինտերվնցիոն ռադիոլոգիայի բուժական մեթոդ:
Վիրահատական եղանակով հաճախ հնարավոր չի լինում կարգավորել իրավիճակը, և չնայած վիահատական շրջանցումը (bypass) հնարավոր ամոքիչ (պալիատիվ) բուժում է, այն առնչվում է վիրահատական բարձր վտանգի հետ:
Քաղցկեղային խցանման դեպքում, երբ այն հնարավոր չէ վիրահատական եղանակով վերացնել, համատեղ էնդոսկոպիկ և ԻՌ տեխնոլոգիաները կարող են բուժման այլընտրանք հանդիսանալ, օրինակ՝ 12-մատնյա աղիքում ստենտի տեղադրումը, ինչը թույլ է տալիս վերականգնել 12-մատնյա աղու խցանված լուսանցքը: Միջամտությունը կատարվում է էնդոսկոպիկ և ֆլուորոսկոպիկ համակցված հսկողության պայմաններում:
նյութի աղբյուրը՝ cirse.org
թարգմանությունը՝ irg.am